Viðskipti erlent

Milljarðaeignir Madoffs gerðar upptækar

Fjársvikamaðurinn Bernard Madoff.
Fjársvikamaðurinn Bernard Madoff. Mynd/AP
Dómstóll í Bandaríkjunum hefur úrskurðað að eignir fjárfestingarfélags fjársvikamannsins Bernards Madoffs verði gerðar upptækar. Eignir félagsins eru metnar á rúmlega 170 milljarða dollara en upphæðin samsvarar til rúmlega 22 þúsund milljarða íslenskra króna.

Fjársvikamál Madoffs er eitt það stærsta sinnar tegundar á Wall Street, en hann er ákærður fyrir að hafa dregið að sér allt að 50 milljarða dollara með svikum á tuttugu ára tímabili.

Madoff svindlaði með því að greiða fjárfestum í fyrirtækjasjóðum arð með fé frá nýjum fjárfestum og gæti átt yfir höfði sér allt að 150 ára fangelsisdóm verði hann fundinn sekur.

Dómur í málinu verður kveðinn upp á mánudag.


Tengdar fréttir

Fjársvikamaðurinn Madoff þvingaður í gjaldþrot

Fjársvikamaðurinn Bernard Madoff gæti verið þvingaður í persónulegt gjaldþrot til að tryggja að allar eignir hans verði notaðar til að greiða þeim fjárfestum sem hann sveik til baka. Dómari í New York greindi frá þessu í dag.

Líklegt að Madoff kveðist sekur um 50 milljarða svik

Líklegast þykir að svikahrappurinn Bernard Madoff lýsi yfir sekt sinni í einu stærsta fjársvikamáli í sögu Bandaríkjanna en hann er ákærður í 11 liðum fyrir svik sem talin eru nema allt að 50 milljörðum dollara.

Eigur bróður Bernards Madoff frystar

Bandarískur dómstóll hefur fryst allar eigur Peters Madoff, bróður stórsvikarans Bernards Madoff, til 3. apríl eftir að 22 ára gamall lögfræðinemi höfðaði mál fyrir hönd afa síns vegna sjóðs sem var í umsjá Peters Madoff en í eigu afans og gufaði upp þegar svikamyllan hrundi. Bernard Madoff hefur lýst sig sekan um svikin og bíður nú dóms en nú er líklegt að bróðir hans dragist einnig inn í málið.

Gabor tapar á Madoff

Gamla kvikmyndastjarnan Zsa Zsa Gabor tapaði að minnsta kosti 7 milljónum bandaríkjadala, jafnvirði nærri 900 milljónum íslenskra króna, á svikum bandaríska viðskipamannsins Bernards Madoff.

Nomura tapaði meiru á íslensku bönkunum en á Madoff

Nomura Holdings stærsta verðbréfamiðlun Japans tapaði um 50 milljörðum kr. á hruni íslensku bankanna á síðasta ári. Er þetta nokkuð meira en Nomura tapaði á ponzi-svindli Bernard Madoff fjárfestis á Wall Street.

Óskar Madoff langra daga í grjótinu

Stórsvikarinn Bernard Madoff lýsti sig sekan fyrir rétti í gær um að hafa haft milljarða dollara af fjárfestum sem hann blekkti.

Fjölmargir töpuðu á pýramídasvindli Madoffs

Forstjóri bandaríska fjármálaeftirlitsins hefur fyrirskipað innanhúss rannsókn á því afhverju ekki hafi verið kannaðar ábendingar um fjársvik Bernards Madoff, fyrrverandi forstjóra Nasdaq kauphallarinnar. Þær bárust eftirlitinu fyrir tæpum áratug.

Hald lagt á glæsivillur og báta Madoffs

Glæsivillur, bílar, bátar og silfurmunir í eigu fjárfestisins Bernard Madoff og eiginkonu hans eru meðal þess sem yfirvöld munu taka í sínar vörslur. Þetta var meðal þess sem var á lista saksóknara sem hann lagði fram við réttarhöldin í New York en Madoff hefur játað á sig 11 ákærur vegna svika.

Finnst tólf ár nægja

Tólf ára fangelsisdómur er hæfileg refsing fyrir umfangsmestu fjársvikamyllu sem sögur fara af. Þetta segir Ira Lee Sorkin, lögfræðingur bandaríska fjárfestisins Bernard Madoffs, sem sakaður er um að hafa með gylliboðum og fölsuðum afkomutölum haft fimmtíu milljarða dala, jafnvirði rúmra 6.300 milljarða króna á núvirði, af viðskiptavinum sínum.



Mest lesið


Fleiri fréttir

Sjá meira


×

Mest lesið