Erla Dögg og Árni Már bættu bæði Íslandsmet í kvöld

Sundparið Erla Dögg Haraldsdóttir og Árni Már Árnason bættu bæði Íslandsmet í 50 metra bringusundi á Sparisjóðsmóti ÍRB í kvöld.

Erla Dögg Haraldsdóttir byrjaði á því að bæta Íslandsmet Hrafnhildar Lúthersdóttir í 50 metra bringusundi. Erla Dögg synti á 31,61 sekúndum sem er 6/10 úr sekúndu betri tíma en Hrafnhildur synti í nóvember 2008.

Árni Már bætti strax á eftir met Jakobs Jóhanns Sveinsson í sömu grein þegar hann synti á 50 metra bringusund á 27,52 sekúndum. Met Jakobs var síðan í nóvember 2008 og bætti Árni það um rúmlega 3/10 úr sekúndu.

Árni Már og Erla Dögg voru bæði við nám í Old Dominion háskólanum í Bandaríkjunum í vetur og eru greinilega í góðu formi en framundan er keppni á Smáþjóðaleikunum á Kýður.