Forbes: Shell er nú stærsta fyrirtæki heimsins

Olíufélagið Royal Dutch Shell er nú stærsta fyrirtæki heimsins samkvæmt nýjum lista Forbes tímaritsins yfir 500 verðmætustu fyrirtæki heimsins. Velta Shell á síðasta ári nam 458,4 milljörðum dollara eða rúmlega 58.000 milljörðum kr.

Númer tvö á listanum er ExxonMobil með veltu upp á tæpa 443 milljarða kr. og í þriðja sæti kemur svo Wal-Mart með veltu upp á tæpa 406 milljarða kr. Á lista Forbes fyrir ári var Wal-Mart í efsta sæti og Shell í því þriðja þannig að þessi fyrirtæki hafa skipt um stöðu.

Þegar kemur að tekjum af veltunni er ExxonMobil fyrir ofan Shell með 45,2 milljarða kr. og það á einnig við um rússneska olíufélagið Gaprom með tekjur upp á tæpa 30 milljarða dollara. Shell er svo í þríðja sæti með tekjur upp á 26,3 milljarða dollara.

Wal-Mart er eina fyrirtækið af efstu sex á listanum sem ekki er í orkusölu. Fyrir utan Exxon og Shell eru þarna olíufélögin Chevron, BP og Petrobras.

Í neðstu sætunum hvað varðar tekjur eru Fannie Mae sem tapaði 58,7 milljörðum dollara í fyrra, Royal Bank of Scotland sem tapaði 43,2 milljörðum dollara og General Motors sem tapaði 30,9 milljörðum dollara.