Bolt er rétt að byrja

Þjálfari Usain Bolt, fljótasta manns jarðar, segir að heimsmetshafinn sé rétt að byrja og eigi talsvert eftir að bæta sig.

Hinn 22 ára gamli Bolt setti heimsmet í bæði 100- og 200 metra hlaupi á Ólympíuleikunum í Kína í sumar og fór líka fyrir gullliði Jamaíka í 4x100 metra hlaupi.

"Við höfum komið auga á þrjú stór atriði sem við þurfum að laga í ræsingunum hjá honum og ég tel að við getum kippt því í liðinn á komandi tímabili. Við getum lofað því að enginn mun skilja hann eftir í startblokkunum framvegis," sagði þjálfarinn.

Bolt hafði fáheyrða yfirburði í 100 metra hlaupinu þrátt fyrir að eiga ekki fullkomið start og þó hann hefði dansað yfir marklínuna í lokin. Hann kom í mark á 9,69 sekúndum.

Í 200 metra hlaupinu var hann ekki síðri þar sem hann hljóp á 19,30 sekúndum og sló heimsmet Michael Johnson sem fáir áttu von á að yrði slegið í bráð.

"Ég veit ekki hversu fljótur Bolt getur orðið, en ég veit að hann getur orðið miklu fljótari en hann er í dag. Við erum rétt að byrja," sagði þjálfari hans.

Hann sló svo met Michae