Torro Rosso prófar Sato aftur

Japaninn Takuma Sato hefur verið kallaður til æfinga hjá Torro Rosso á ný. Það þykir benda til þess að hann fái annað af tveimur sætum hjá liðinu á næsta ári.

Sato keyrði á dögunum með Torro Rosso og var í kapphaupi við Sebastian Buemi og Sebastian Borudais. Sato náði besta tíma á æfingunum og mun æfa með Torro Rosso á Jerez brautinni á Spáni í desember.

Því er ljóst að Torro Rosso menn hafa trú á Sato, sem keppti síðast með Super Aguri liðinu, sem lagði upp laupanna. Red Bull samsteypan er eigandi Torro Rosso og vilja auka markaðshlutdeild sína í Japan og Sato þykir álitlegur kostur til að svo megi verða. Formúla 1 er mjög vinsæl í Japan og keppt verður á Fuji brautinni í Japan á næsta ári. Red Bull vill flagga Sato um borð í Formúlu 1 bíl þar í landi.

Ákvörðun um ökumenn Torro Rosso verður tekinn eftir æfingar í desember, en mestar líkur eru á að Sato og Sebastian Buemi verði ökumenn liðsins, en Bourdais verði frá að hverfa.