Breskir sveitastjórnarmenn bjartsýnir á að fá fé úr Heritable

Sveitastjórnarmenn í Winchester eru bjartsýnir að þeir muni fá til baka 1 milljón sterlingspund frá Heritable bankanum sem hrundi í október. Bankinn var í eigu Landsbankans og var settur í skiptameðferð í október. Fulltrúar frá Winchester borg funduðu með skiptastjórum í síðustu viku.

Ákveðið hefur verið að setja á fót nefnd sem veriður skipuð lánadrottnum, þar á meðal tveimur fulltrúum frá sveitastjórnum og skiptastjórar segja að reynt verði að skipta þrotabúinu jafnt þannig að öll sveitafélög fái eitthvað í sinn hlut. Auk sveitastjórnarinnar í Winchester er sveitastjórnin í West Sussex sýslu að krefjast 13 milljóna.

Sveitastjórnarmenn segja ómögulegt að spá fyrir um hve langan tíma það taki á fá féð til baka.