Eddie Jordan lagði stein í götu Force India

Írinn Eddie Jordan lét leggja steina í innkeyrsluna hjá Force India liðinu á Silverstone í Bretlandi. Hann segir liðið ekki hafa að fullu greitt skuldir sínar við sig. Hann seldi lið sitt til Midland, sem aftur seldi Force India. En allt hefur ekki verið gert upp. Jordan lét því raða steinum í innkeyrsluna hjá Force India., sem hindraði ferðir starfsmanna liðsins um páskana. Jordan segist hafa beðið í tvö ár eftir að gengið yrði frá öllu í kringum söluna. Hann segist ekkert hafa á móti Vijay Mallay, en starfslið hans sé að valda vandræðum með því að ganga ekki frá málum. Force India er í eigu milljarðamæringsins Mallay, sem á bruggverksmiðju og flugfélag í Indlandi. Líklegt er talið að Formúlu 1 mót verði á Indlandi á næsta eða 2010. Mörgum er spurn afhverju Jordan hringdi ekki í Mallay og kvartaði, frekar en að taka upp á því að loka innkeyrslunni í sinni gömlu bækistöð. Jordan hefur alltaf farið sínar eigin leiðir, en hann varð vellauðugur á þátttökunni í Formúlu 1.