Ragna upp um eitt sæti

Ragna Ingólfsdóttir fór upp um eitt sæti er nýr heimsleisti Alþjóða badmintonsambandsins var gefinn út í dag. Hún er nú í 54. sæti og er inn á Ólympíuleikunum samkvæmt núgildandi lista.

Heimslistinn sem gefinn verður út 1. maí næstkomandi mun hafa úrslitaáhrif á hvaða keppendur komast inn á Ólympíuleikana.

Ragna mun næst keppa á Meistaramóti Íslands dagana 4.-6. apríl og á Evrópumótinu 12.-20. apríl.

Ísland mun senda lið til þátttöku í liðakeppninni þökk sé sigri Íslands í B-deild Evrópukeppninnar í fyrra.