Heil umferð í N1 deild karla

Heil umferð verður í N1 deild karla í kvöld en þá verður 20. umferðin leikin. Umferðin hefst með leik fyrir norðan þar sem Akureyri tekur á móti Stjörnunni klukkan 19:00. Aðrir leikir kvöldsins verða klukkan 20.

Haukar hafa fjögurra stiga forystu í deildinni en þeir heimsækja Aftureldingu í Mosfellsbæ. Heimamenn eru í næst neðsta sæti deildarinnar og þeirra bíður því ansi erfitt verkefni.

Stórleikur kvöldsins verður í Digranesinu þar sem HK og Fram eigast við. Framarar eru í öðru sæti deildarinnar en HK tveimur stigum á eftir.

Leikir kvöldsins:

19:00 Akureyri - Stjarnan

20:00 Afturelding - Haukar

20:00 HK - Fram

20:00 Valur-ÍBV