Sean O'Hair rauk upp heimslistann eftir sigur á Flórída

Bandaríkjamaðurinn Sean O'Hair vann sigur á PODS-meistaramótinu í golfi á Flórída sem lauk í gær. Þetta er í annað sinn á ferli hans sem hann vinnur PGA mót.

O'Hair vann með tveggja högga mun á mótinu og varð fyrir vikið hástökkvari vikunnar á heimslistanum. Hann fór upp um 31 sæti og er hann nú í 35. sæti listans.

50 efstu á listanum öðlast þátttökurétt á Masters mótinu sem fram fer í næsta mánuði.

Tiger Woods er sem fyrr með örugga forystu á listanum.

Efstu fimm á heimslistanum:

1. Tiger Woods

2. Phil Mickelson

3. Ernie Els

4. Steve Stricker

5. K.J. Choi