Viðskipti erlent

Tryggingarisi tapar 348 milljörðum króna

AIG, sem keypti búlgarska símafyrirtækið BTC af Novator í fyrra, tapaði jafnvirði 348 milljörðum króna á síðasta ársfjórðungi.
AIG, sem keypti búlgarska símafyrirtækið BTC af Novator í fyrra, tapaði jafnvirði 348 milljörðum króna á síðasta ársfjórðungi. Mynd/AFP

Bandaríski trygginga- og fjárfestingarrisinn AIG tapaði 5,3 milljörðum bandaríkjadala, jafnvirði 348 milljörðum íslenskra króna, á fjórða ársfjórðungi í fyrra. Þetta er mesta tap í sögu fyrirtækisins og langt undir væntingum markaðsaðila. Mestu munar um afskriftir fyrirtækisins á skuldabréfavafningum sem tengjast bandarískum fasteignalánum.

AIG keypti 90 prósenta hlut Novators, félags í eigu Björgólfs Thors Björgólfssonar, í búlgarska símafyrirtækinu BTC, í ágúst í fyrra fyrir 127 milljarða króna.

Fréttastofa Reuters hefur eftir markaðsaðilum að afkoma AIG geti verið vísbendingar um að reikna megi með fleiri váboðum úr fjármálageiranum.

Erlent Fréttir Viðskipti


Mest lesið


Fleiri fréttir

Sjá meira


×

Mest lesið