Snarræði þingheims

Þá hafa þingmenn tekið sér tak. Loksins. Þeir hafa blásið í herlúðra og ætla að loka reykherberginu í þinghúsinu 1. júní.

Þessari litlu umdeildu skonsu sinni

Já, strax í ár.

Þetta er snarræði.

Auðvitað verður að gefa löggjafanum, sem bannar almenningi að reykja í almenningi, ákveðinn umþóttunar- og aðlögunartíma í þessum efnum.

Það er enginn að ætlast til þess að þingmenn sitji strax við sama borð og almenningur. Þessir laganna smiðir eru auðvitað aldir upp í reykfylltum bakherbergjum og ná ekki pólitískum þroska öðruvísi en móskan skyggi á málefnin.

1. júní, já.

Eftir 113 daga.

Eins gott að menn ani ekki að neinu.

Og rasi um ráð fram.

Allra síst í pólitískum reykbindindum. 

En svo má náttúrlega laga þetta með bandormi á haustþinginu ef menn springa á limminu ...

-SER.