Mikilvægur sigur hjá Akureyri

Akureyri vann í dag dýrmætan sigur á Aftureldingu í N1 deild karla í handbolta 27-26 eftir að jafnt hafði verið í hálfleik 16-16. Norðanliðið er því komið með tíu stig í deildinni en Mosfellingar hafa sjö stig í næst neðsta sætinu.

Þá var einn leikur í N1 deild kvenna þar sem Fylkir gerði góða ferð norður og lagði Akureyri 29-20.

Einn leikur er á dagskrá í N1 deild karla í kvöld þar sem HK og Stjarnan eigast við í hörkuleik í Digranesi, en aðeins tvö stig skilja liðin í baráttunni um efstu sætin.