Ásdís og Bergur frjálsíþróttafólk ársins

Frjálsíþróttasamband Íslands hefur tilkynnt um frjálsíþróttamenn ársins 2008. Það eru þau Ásdís Hjálmsdóttir spjótkastari úr Ármanni og sleggjukastarinn Bergur Ingi Pétursson úr FH.

Ásdís bætti Íslandsmetið tvívegis á árinu, í síðara skiptið á Savo leikunum í Finnlandi þegar hún kastað 59,80 metra og vann. Bergur bætti Íslandsmetið í sleggjukasti einnig tvívegis. Í síðara skiptið á móti í Hafnarfirði þegar hann kastaði 74,48 metra.

Bæði unnu þau sér inn þátttökurétt á Ólympíuleikunum sem fram fóru í Peking síðasta sumar.