Dagný Linda leggur skíðin á hilluna

Dagný Linda Kristjánsdóttir, fremsta skíðakona landsins síðustu ár, hefur ákveðið að leggja skíðin á hilluna vegna meiðsla. Þatta kemur fram í fréttatilkynningu frá Skíðasambandinu.

Dagný hefur átt við meiðsli að stríða í vetur og þarf að fara í aðgerð, en hefur fengið þau skilaboð frá læknum að óvíst sé að aðgerðin skili fullum bata.

"Ég er sátt við að taka þess ákvörðun þó það séu vissulega vonbrigði að geta ekki náð markmiðinu sem ég setti mér - að tryggja mér sæti á Vetrarólympíuleikunum í Kanada árið 2010," segir í yfirlýsingu frá Dagnýju.

Hún á að baki átján Íslandsmeistaratitla og hefur sjö sinnum verið valin skíðakona ársins.