Áramótastuð í þriðja sinn

DJ Kiki-Ow og DJ Curver halda sitt árlega 90s-partí á skemmtistaðnum Nasa á gamlárskvöld. Þetta er í þriðja sinn sem þau halda partíið og hefur stemningin alltaf verið mjög góð. Nú seinast varð allt brjálað í haust þegar Haddaway spilaði á 90s-kvöldi á Nasa við góðar undirtektir og má því búast við miklu stuði um áramótin. „Við búumst við að þetta verði stærsta partíið til þessa því það var algjör geðveiki í kringum Haddaway,“ segir Curver. Miðasalan er hafin á Midi.is og í Spúútnik og er miðaverð 3.500 krónur. Aldurstakmark er 20 ár.