Landsbankadeild kvenna hefst í dag

Landsbankadeild kvenna hefur göngu sína í dag þegar Íslandsmeistarar Vals taka á móti Þór/KA.

Leikurinn fer fram í Egilshöllinni og hefst kl. 17:00. Á morgun klárast svo fyrsta umferðin með fjórum leikjum.

Allir þeir leikir hefjast kl. 19:15 og eru eftirfarandi:

• HK/Víkingur - Stjarnan
• Fjölnir - Fylkir
• Afturelding - Breiðablik
• Keflavík - KR

Eins og áður sagði þá fer leikur Vals og Þór/KA fram í Egilshöllinni og leikur HK/Víkings og Stjörnunnar fer fram í Kórnum. Aðrir leikir umferðarinnar fara fram á heimvöllum félaganna en leikur Aftureldingar og Breiðabliks fer fram á gervigrasvellinum í Varmá.

Í fyrsta skiptið í sögunni eru 10 lið í efstu deild kvenna og eru leikirnir því 90 talsins. Keppnistímabilið 2006 var leikið í 8 liða deild og voru leikirnir þá 56 í efstu deild.

Samkvæmt spá forráðamanna félaganna, sem gerð var fyrir tímabilið, má búast við harðri baráttu jafnt á toppi sem og á botni. Spáin var eftirfarandi:

Landsbankadeild kvenna

1. KR 283 stig
2. Valur 278 stig
3. Breiðablik 240 stig
4. Keflavík 192 stig
5. Stjarnan 172 stig
6. Fylkir 134 stig
7. Þór/KA 105 stig
8. Afturelding 86 stig
9. HK/Víkingur 81 stig
10. Fjölnir 79 stig

Af vefsíðu KSÍ