Bang Gang með tónleika

Hljómsveitin Bang Gang heldur sína fyrstu tónleika í Reykjavík í um tvö ár á skemmtistaðnum Nasa á fimmtudagskvöld. Bang Gang hefur spilað á yfir þrjátíu tónleikum víðs vegar um Evrópu að undanförnu til að fylgja eftir sinni nýjustu plötu, Ghosts From the Past. Meðal annars hitaði sveitin upp fyrir Air á tvennum tónleikum í París.

Miðaverð á tónleikana á Nasa er 999 krónur. Í kaupbæti fylgir annaðhvort plata Bang Gang, Something Wrong eða plata Barða, Haxan. Hljómsveitin Our Lives sér um upphitun.