Sveinki rekinn fyrir að segja „hó hó hó!"

Jólasveinn í ástralskri verslunarmiðstöð var rekinn á dögunum fyrir að segja „hó hó hó" og syngja jólalög fyrir börnin í búðinni. Jólasveinninn var í vinnu hjá jólasveinaþjónustu í borginni Canberra og yfirmenn þar á bæ höfðu tilkynnt jólasveinunum sínum að eftirleiðis ættu þeir að segja „ha ha ha" í stað „hó hó hó".

Hinn sjötugi John Oakes lét sér ekki segjast og hélt sig við gamla góða slagorðið „hó hó hó!" með fyrrgreindum afleiðingum. Oakes var óhress með ákvörðun yfirmanna sinna og sagði að þær væru að reyna að gera út um jólaandann.