Kynlíf með dýrum algengt í Noregi

Landbúnaðarráðherra Noregs vill banna með lögum að fólk stundi kynlíf með dýrum. Það er leyfilegt í Noregi eins og sakir standa.

Talsmaður dýraverndarsamtaka í Noregi segir að miklu meira sé um kynlíf með dýrum en menn geri sér grein fyrir.

Live Kleveland segir í viðtali við norska blaðið Aftenposten að fimmti hver dýralæknir í landinu hafi annaðhvort vissu fyrir eða sterkan grun um að einhverjir dýra-sjúklingar þeirra hafi verið notaðir kynferðislegea.

Kleveland segir að fyrst og fremst eigi það við dýr í landbúnaði eins og kýr, svín, hesta og kindur.

Misnotkunin nái þó einnig til heimilisdýra eins og hunda og katta.