UEFA-bikarinn: Everton vann Nürnberg

Ensku liðin komust vel frá sínum verkefnum í UEFA-bikarkeppninni í kvöld er sextán leikir fóru fram í keppninni.

Everton vann Nürnberg í Þýskalandi, 2-0, en mörkin skoruðu Mikel Arteta úr víti og Victor Anichebe seint í leiknum. Bjarni Þór Viðarsson var á varmannabekk Everton en kom ekki við sögu.

Anichebe kom inn á sem varamaður og hafði mikil áhrif á leikinn þar sem hann fiskaði vítið sem Arteta skoraði úr og innsiglaði svo sjálfur sigurinn fimm mínútum síðar. 

Tottenham vann góðan útisigur á Hapoel Tel-Aviv, 2-0, en það voru þeir Dimitar Berbatov og Robbie Keane sem skoruðu mörk liðsins í fyrri hálfleik.

Bolton mætti stórliði Bayern München í Þýskalandi í kvöld og slapp vel frá verkefninu. Bolton komst yfir en Lukas Podolski skoraði tvö fyrir Bayern í kvöld og virtist hafa tryggt Þjóðverjum sigurinn. En þá skoraði Kevin Davies jöfnunarmark Bolton undir lok leiksins.

Norska liðið Brann gerði 1-1 jafntefli við Rennes á útivelli eftir að hafa komist marki yfir í fyrri hálfleik. Rennes jafnaði úr vítaspyrnu seint í leiknum.

Þá lék Ólafur Ingi Skúlason allan leikinn fyrir Helsingborg sem vann frábæran sigur á Galatasaray á útivelli, 3-2.

A-riðill:

Larissa - Zenit 2-3



Nürnberg - Everton 0-2

0-1 Mikel Arteta, víti (83.), 0-2 Victor Anichebe (88.).

Bjarni Þór Viðarsson var á varamannabekk Everton.

Staðan:

1. Everton 6 stig

2. Zenit 4

3. AZ 1

4. Nürnberg 0

5. Larissa 0

B-riðill:

FCK - Panathinaikos 0-1

Aberdeen - Lokomotiv Moskva 1-1

Staðan:

1. Panathinaikos 6 stig

2. Lokomotiv Moskva 2

3. Atletico Madríd 1

4. Aberdeen 1

5. FC Kaupmannahöfn 0

C-riðill:

Mlada - Villarreal 1-2

0-1 Nihat (33.), 0-2 Carzorla (56.), 1-2 Alexandre Mendy (90.).

Fiorentina - Elfsborg 6-1

Staðan:

1. Fiorentina 4

2. Villarreal 4

3. AEK 1 stig

4. Elfsborg 1

5. Mlada 0

D-riðill:

Rennes - Brann 1-1

0-1 Azer Karadas (23.), 1-1 Bruno Cheyrou, víti (87.).

Kristján Örn Sigurðsson og Ólafur Örn Bjarnason léku allan leikinn fyrir Brann en Ármann Smári Björnsson var á bekknum.

Dinamo Zagreb - Basel 0-0

Staðan:

1. Basel 4 stig

2. Hamburg 3

3. Dinamo Zagreb 1

4. Brann 1

5. Rennes 1

E-riðill:

Spartak - Leverkusen 2-1

Toulouse - Sparta 2-3

Staðan:

1. Zürich 3 stig

2. Spartak 3

3. Sparta 3

4. Leverkusen 3

5. Toulouse 0

F-riðill:

Bayern - Bolton 2-2

0-1 Ricardo Gardner (8.), 1-1 Lukas Podolski (30.), 2-1 Lukas Podolski (49.), Kevin Davies (82.).

Aris - Rauða Stjarnan 3-0

Staðan:

1. Bayern 4 stig

2. Aris 3

3. Bolton 2

4. Braga 1

5. Rauða stjarnan 0

Hapoel Tel-Aviv - Tottenham 0-2

0-1 Robbie Keane (26.), 0-2 Dimitar Berbatov (31.).

AaB - Anderlecht 1-1

Staðan:

1. Anderlecht 4 stig

2. Tottenham 3

3. Getafe 3

4. AaB 1

5. Hapoel Tel-Aviv 0

H-riðill:

Galatasaray - Helsingborg 2-3

0-1 Henrik Larsson (31.), 0-2 Razak Omotoyossi (39.), 1-2 Shabani Nonda (44.), 1-3 Christoffer Andersson (75.), 2-3 Shabani Nonda (90.).

Ólafur Ingi Skúlason lék allan leikinn á miðjunni hjá Helsinborg.

Austria Vín - Bordeaux 1-2

Staðan:

1. Bordeaux 6 stig

2. Helsingborg 4

3. Panionios 1

4. Austria Vín 0

5. Galtasaray 0