Messi með tvö í sigri Börsunga

Lionel Messi skoraði tvívegis í 4-1 sigri Barcelona á Real Zaragoza í spænsku úrvalsdeildinni í kvöld.

Messi kom Börsungum á bragðið strax á fimmtu mínútu en Zapater jafnaði metin fimm mínútum síðar. Messi kom Börsungum aftur yfir aðeins mínútu síðar.

Andres Iniesta bætti því þriðja við á 22. mínútu og Rafael Marquez því fjórða áður en fyrri hálfleik lauk.

Deco lagði upp tvö mörk í kvöld og Thierry Henry eitt.

Eiður Smári Guðjohnsen var ekki í leikmannahópi Barcelona.

Þá vann Atletico Madrid 2-0 útisigur á Athletic Bilbao. Agüero og Diego Forlan skoruðu mörk leiksins.

Sjá einnig: Villarreal á toppinn