Tilrþif Tiger Woods skiluðu honum á toppinn

Tiger Woods átti tvö sérstaklega minnisstæð tilþrif í dag þegar hann sveif á topp listans á Tour Championship-mótinu í Atlanta. Eftir að hafa byrjað annan hring rólega, með þremur pörum , náði hann fugli á þeirri fjórðu, en þá fór vélin í gang.

Hann lenti í glompu við fimmtu flöt og gerði sér lítið fyrir og setti niður boltann af nær 20 metrum. Meistarinn sá ekki einu sinni holuna, en boltinn skoppaði þrisvar áður en hann hafnaði í holunni.

Annað atvik kom upp á á níundu holu sem er um 540m löng. Tiger komst á flöt í tveimur höggum en var samt um 24m frá holunni. Púttið reið af og hann hamraði það niður fyrir erni. Þegar söng í bollanum greip Tiger fyrir augun eins og til að biðjast afsökunar (sjá mynd).

"Þetta var ekkert nema heppni," sagði Tiger. "Ef þið hefðuð séð aftan á boltann hefðuð þið séð hvernig hann skoppaði á milli misjafnanna. Það var raunar bráðfyndið!"

Þegar tveir hringir eru eftir má Tiger vera nokkuð sigurviss þar sem hann hefur ekki leikið betur lengi. Hann hefur ekki átt betri byrjun á móti frá árinu 2000 og hefur ekki tapað niður forskoti eftir 36 holur í þrjú ár.

Það er þó aldrei að vita hvernig fer, Woody Austin er þremur höggum á eftir og ætlar sér stóra hluti.

Frétt af kylfingur.is