Ljótu Hálfvitarnir og Hvannadalsbræður á NASA

Ljótu Hálfvitarnir og Hvannadalsbræður munu leiða saman hesta sína fimmtudaginn 6. september og halda tónleika á NASA. Báðar sveitirnar gáfu út plötur snemma í sumar undir merkjum Senu. Hvannadalsbræður gáfu út diskinn "Skást off" þar sem skástu lög af þremur diskum sveitarinnar var safnað saman. Ljótu hálfvitarnir gáfu út frumraun sína "Ljótir Hálfvitar."

Hljómsveitirnar stefna að því að bjóða upp á mikið fjör og gleði þar sem spaugið fær að njóta sín á kostnað spilamennskunnar sem þykir víst alls ekki til fyrirmyndar að því er meðlimirnir segja sjálfir frá.

Tónleikarnir hefjast klukkan 21:30 en húsið opnar 20:30. Miðaverð er 1.500 krónur.