Heidfeld og Kubica áfram

Þjóðverjinn Nick Heidfeld og Pólverjinn Robert Kubica verða áfram ökuþórar BMW Sauber í Formúlu-1 á næsta ári. Þetta var tilkynnt í dag. Mario Thiessen liðsstjóri segir að mikil ánægja sé með frammistöðu Heidfeld og Kubica.

Heidfeld er þrítugur en Kubica 22 ára og hafa þeir halað inn 70 stigum á þessu tímabili. BMW er í þriðja sæti á stigalista keppnisliða, með 38 stiga forystu á Renault sem er í fjórða sætinu.

Næsta keppni í Formúlu-1 verður um helgina í Istanbúl í Tyrklandi.