Elton John spilar og vekur athygli á alnæmi

Elton John lék fyrir 200 þúsund manns undir berum himni á aðaltorginu í Kænugarði í Úkraínu til vekja athygli á alnæmisvanda landsins. Tíðni alnæmis í Úkraínu er með því hæsta sem gerist í Evrópu og sérstakur alnæmissjóður í nafni Eltons hefur beint spjótum sínum sérstaklega að vanda landsins. Á tónleikunum lofaði Elton áframhaldandi stuðningi sjóðsins við þjóðina. Aðgangur að tónleikunum var ókeypis og við innganginn var smokkum dreift. Meðal áheyrenda var Viktor Yushchenko forseti Úkraínu og aðrir ráðamenn landsins.