Vill að Olmert víki

Tzipi Livni, utanríkisráðherra Ísraels hefur hvatt Ehud Olmert til þess að segja af sér sem forsætisráðherra. Hún segir jafnframt að hún muni sækjast eftir forystu í Kadima-flokki hans. Livni skýrði frá þessu eftir fund sinn með Olmert í dag.

Kröfur um afsögn Olmerts verða háværari með hverjum deginum eftir að rannsóknarnefnd birti í fyrradag svarta skýrslu um stríðsreksturinn gegn Hizbollah-liðum í Líbanon í fyrra. Olmert hefur sagt að hann ætli ekki að víkja.