Friðland í Þjórsárverum verði stækkað strax

Náttúruverndarsamtök Íslands skora á Jónínu Bjartmarz umhverfisráðherra að stækka þegar í stað friðlandið í Þjórsárverum í samræmi við tillögu Umhverfisstofnunar við undirbúning Náttúruverndaráætlunar.

Bréf með þessari áskorun hefur verið sent ráðherra og þar segir einnig að með því að stækka friðlandið á þann hátt að allar hugmyndir um Norðlingaölduveita verði úr sögunni geti ráðherra útkljáð margra áratuga deilumál og þannig stigið stórt skref í þágu náttúruverndar á Íslandi.

Þá bendi skoðanakannanir til þess að eindreginn stuðningur sé við stækkun friðlandsins og að sama skapi andstaða við Norðlingaölduveitu.