Sjöundi oddaleikurinn hjá Axeli Kárasyni

Körfuboltamaðurinn Axel Kárason ætti að þekkja það vel að spila upp oddaleiki í úrslitakeppninni. Hann hefur tekið þátt í sex oddaleikjum frá árinu 2001, fimm með Tindastóli og einum með Skallagrími. Axel hefur unnið fjóra af þessum sex leikjum, en hann verður í sviðsljósinu með Skallagrími gegn Grindavík í Fjósinu í Borgarnesi í kvöld klukkan 20 í beinni á Sýn.



Oddaleikir Axels í úrslitakeppninni:

Oddaleikir um sæti í undanúrslitum:

2001: Tindastóll 79-75 Grindavík

2 stig á 3 mínútum

2003: Haukar 85-89 Tindastóll

11 stig og 5 fráköst á 34 mínútum

2004: Keflavík 98-96 Tindastóll

9 stig og 4 stoðsendingar á 25 mínútum

Oddaleikir um sæti í lokaúrslitum:

2001: Tindastóll 70-65 Keflavík

Stigalaus á 3 mínútum

2003: Grindavík 109-77 Tindastóll

6 stig og 10 fráköst á 38 mínútum

2006: Keflavík 80-84 Skallagrímur

5 stig á 27 mínútum