Mikið fjör á Sýn í dag og í kvöld

Það verður nóg um að vera á sjónvarpsstöðinni Sýn í dag þar sem boðið verður upp á handbolta, körfubolta, knattspyrnu og golf. Nú klukka 14:25 hefst stórleikur Hamburg og Flensburg í þýsku úrvalsdeildinni í handbolta og klukkan 16 hefst annar leikur Keflavíkur og Snæfells í úrslitakeppni Iceland Express deildarinnar.

Klukkan 18:50 verður leikur Recreativo og Barcelona í spænska boltanum og þar á eftir verður sýnt frá Arnold Palmer Invitational mótinu í golfi. Rúsínan í pylsuendanum verður svo einvígi Marco Antonio Barrera og Juan Marquez í boxinu, en þar hefst útsending klukkan eitt eftir miðnættið.