Keyrði yfir fót konu

Kona á þrítugsaldri varð fyrir því óhappi í gær að bíll keyrði yfir fót hennar þar sem hún var að hlúa að smábarni í bíl. Konan hafði stöðvað bíl sinn nánast á miðri götu í íbúðarhverfi til að sinna barni í aftursætinu. Hún var við hægri afturhurð bifreiðarinnar þegar ökumaður kom aðvífandi og gætti ekki að sér með fyrrgreindum afleiðingum. Konan slapp ótrúlega vel en leitaði sér læknisaðstoðar.

Alls voru 35 umferðaróhöpp voru tilkynnt til lögreglu á höfuðborgarsvæðinu á síðasta sólarhring. Flest þeirra voru minniháttar, meðal annars atvik þar sem keyrt var á hjólreiðamann.

Sjö voru teknir fyrir ölvunarakstur. Fimm þeirra voru karlmenn og tveir þeirra voru ekki með ökuleyfi.