Samkomulag um endurnýjanlega orku

Drög að bindandi samkomulagi um að auka hlutfall endurnýjanlegrar orku voru samþykkt á leiðtogafundi Evrópusambandsins um breytingu loftslags í Brussel í morgun. Gert er ráð fyrir sveigjanleika í því hvernig aðildarlönd sambandsins geta aukið endurnýjanlega orku, eins og vind og sólarorku, í 20 prósent fyrir árið 2020.

Orðalag samkomulagsins virðist miða að samvinnu við lönd sem háð eru kjarnorku eða kolum, eins og Tékklandi og í Póllandi.

Angela Merkel forseti Evrópusambandsins sagði að fjárveiting yrði veitt í hæfilegu magni með tilliti til mismunandi aðstæðna þjóða.

Í gær var einnig samþykkt í grundvallaratriðum að draga úr losun koltvísýrings um tuttugu prósent fyrir árið 2020 miðað við losunina árið 1990.