Fimm ára fangelsi fyrir afbrýðissemi

Mexíkóskir eiginmenn sem eru sérstaklega afbrýðissamir eða forðast að lifa kynlífi með eiginkonum sínum gætu átt á hættu að fara í fangelsi í fimm ár. Þetta er staðreynd samkvæmt nýjum lögum sem voru hönnuð til þess að berjast gegn ofbeldi gegn konum.

Eiginmenn sem hringja sífellt í konur sínar, gruna þær um framhjáhald eða reyna að ráða því hvernig þær klæða sig eru sekir um glæpinn afbrýðissemi. Þeir sem hætta að tala við eiginkonur sínar, forðast kynlíf með þeim eða reyna að sannfæra eiginkonur sínar um að þeir séu brjálaðir, í þeim tilgangi að fá skilnað, eru sekir um afskiptaleysi. Þeir karlmenn sem verða síðan fundnir sekir um þessa glæpi gætu átt yfir höfði sér allt að fimm ára fangelsi.