Dánarorsökin enn óljós

Krufning á fyrirsætunni Önnu Nicole Smith, sem fannst látin á hóteli í Flórída í fyrrakvöld, leiddi ekki í ljós dánarorsök hennar en lögregla útilokar þó að henni hafi verið ráðinn bani. Að sögn dánardómsstjóra á svæðinu gæti tekið nokkrar vikur að skera úr um hvað olli dauða hennar þar sem langan tíma tekur að fá niðurstöður eiturefnaprófa. Nokkurra mánaða gömul dóttir Smith mun að líkindum erfa auðæfi hennar og því virðist harðvítug deila í uppsiglingu á milli tveggja manna um faðerni hennar.