Settu hvolpinn inn í ofn

Tveir bræður frá Atlanta í Bandaríkjunum sem voru sakaðir um að setja málningarlímband á lappir og trýni þriggja mánaða gamals hvolps og ofnbaka hann síðan lifandi játuðu sekt sína í gær.

Joshua Moulder, 17 ára, og Justin bróðir hans, 19 ára, brutust inn í félagsmiðstöð í hverfinu sem þeir búa í og þar átti ódæðið sér stað. Þeir létu sér það ekki nægja heldur skemmdu þeir tölvur, brutu rúður og skvettu málningu á veggina.

Eftir að hafa drepið hvolpinn náðu þeir í ung börn úr hverfinu, sýndu þeim inn í ofninn og hótuðu að drepa þau ef þau segðu frá.

Bræðurnir hljóta dóm í næsta mánuði.