Náðu loks saman

Flugstoðir ohf. og Félag íslenskra flugumferðarstjóra skrifuðu undir samning um kjaramál klukkan sjö í gærkvöldi. Samningurinn er sá sami og ekki náðist að samþykkja í fyrrakvöld, þegar flugumferðarstjórar gengu út af fundi. Loftur Jóhannsson, formaður FÍF, segist sáttur við samninginn og býst við að flugumferð verði komin í eðlilegt horf í seinasta lagi í kvöld. Þeir flugumferðarstjórar sem eiga vaktir í dag mæta í bítið og skrifa undir sinn samning og halda síðan til vinnu eins og ekkert hafi í skorist. Að sögn Lofts hafa flugumferðarstjórar daginn í dag til að skrifa undir samninginn.