Leitar suðræns sjarmörs 4. október 2007 07:00 Benedikt Erlingsson vill gera jafn vel eða betur en þegar móðir hans leikstýrði Sólarferð árið 1975. Vísir/Heiða Leikstjórinn Benedikt Erlingsson leitar nú logandi ljósi að suðrænu sjarmatrölli til að taka þátt í uppsetningu hans á Sólarferð eftir Guðmund Steinsson. Ekki spillir fyrir ef sjarmatröllið líkist Baltasar Kormáki. „Ég er að leita að leikara í hlutverk Manuelo, sem er mjög mikilvægt í Sólarferð. Verkið er íslenskt harðkjarnadrama sem gerist á spænskri sólarströnd, og Manuelo er stóra freistingin, snákurinn í Eden," útskýrði Benedikt, sem hefur ákveðnar hugmyndir um hvað leikarinn eigi að hafa til brunns að bera. „Ég er að leita að nýjum Baltasar Kormáki," sagði Benedikt alvarlegur. „Baltasar hefur reyndar boðið sig fram sjálfur. Við erum svona að hugleiða umsóknina, en hann á ágætis séns ef hann mætir í áheyrnarprufur," sagði Benedikt og hló við. „En svona að öllu gríni slepptu vil ég fá sem flesta í prufur. Þeir sem vilja gera eitthvað skemmtilegt og prófa að vinna í leikhúsi eru boðnir hjartanlega velkomnir, að því tilskildu að þeir séu af réttum kynþætti," áréttaði hann. „Við viljum nýbúa á stóra svið Þjóðleikhússins, tími þeirra er runninn upp," bætti hann við.Benedikt þykir Baltasar Kormákur hafa ýmislegt til brunns að bera sem suðræna sjarmatröllið Manuelo.Sjarmatröllið þarf að heilla Ólafíu Hrönn Jónsdóttur upp úr skónum, en hún og Ingvar E. Sigurðsson fara með aðalhlutverkin í Sólarferð. Sigurður Pálsson skáld lék Manuelo í uppsetningu móður Benedikts, Brynju Benediktsdóttur, á verkinu árið 1975. Þá laðaði sýningin að sér þrjátíu þúsund leikhúsgesti og Benedikt vill gera jafn vel eða betur í þetta skiptið. „Móðir mín var leikstjóri hér í þrjátíu ár. Það er undir hennar væng sem ég hætti mér inn í þetta hús og ætla að reyna að feta í fótspor hennar," sagði Benedikt. „Kristján Jóhannsson hélt tónleika fyrir móður sína á Akureyri, og þetta eru mínir tónleikar fyrir mömmu," bætti hann við en ítrekaði að hann stæði þó alls ekki einn að sýningunni. „Við erum fleiri sem höldum hér tónleika," sagði hann. Áheyrnarprufur fyrir hlutverk Manuelo fara fram í æfingahúsnæði Þjóðleikhússins við Lindargötu 3 klukkan 17 í dag. Skráning fer fram hjá Dóru Hafsteinsdóttur í síma 585 1214, eða á dora@leikhusid.is. Mest lesið Hvetur fólk til að taka sjálfu með „þessu glæsiklofi“ Lífið Myndaveisla: Ærandi pollagallastemming í Eyjum Lífið Skoðanabræður hætta göngu sinni: „Takk fyrir okkur“ Lífið Rod Stewart sýnir Ozzy taka sjálfur í himnaríki Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið Menningarperlan aftur komin í sitt gamla horf Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Sweeney sökuð um kynþáttahyggju Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
Leikstjórinn Benedikt Erlingsson leitar nú logandi ljósi að suðrænu sjarmatrölli til að taka þátt í uppsetningu hans á Sólarferð eftir Guðmund Steinsson. Ekki spillir fyrir ef sjarmatröllið líkist Baltasar Kormáki. „Ég er að leita að leikara í hlutverk Manuelo, sem er mjög mikilvægt í Sólarferð. Verkið er íslenskt harðkjarnadrama sem gerist á spænskri sólarströnd, og Manuelo er stóra freistingin, snákurinn í Eden," útskýrði Benedikt, sem hefur ákveðnar hugmyndir um hvað leikarinn eigi að hafa til brunns að bera. „Ég er að leita að nýjum Baltasar Kormáki," sagði Benedikt alvarlegur. „Baltasar hefur reyndar boðið sig fram sjálfur. Við erum svona að hugleiða umsóknina, en hann á ágætis séns ef hann mætir í áheyrnarprufur," sagði Benedikt og hló við. „En svona að öllu gríni slepptu vil ég fá sem flesta í prufur. Þeir sem vilja gera eitthvað skemmtilegt og prófa að vinna í leikhúsi eru boðnir hjartanlega velkomnir, að því tilskildu að þeir séu af réttum kynþætti," áréttaði hann. „Við viljum nýbúa á stóra svið Þjóðleikhússins, tími þeirra er runninn upp," bætti hann við.Benedikt þykir Baltasar Kormákur hafa ýmislegt til brunns að bera sem suðræna sjarmatröllið Manuelo.Sjarmatröllið þarf að heilla Ólafíu Hrönn Jónsdóttur upp úr skónum, en hún og Ingvar E. Sigurðsson fara með aðalhlutverkin í Sólarferð. Sigurður Pálsson skáld lék Manuelo í uppsetningu móður Benedikts, Brynju Benediktsdóttur, á verkinu árið 1975. Þá laðaði sýningin að sér þrjátíu þúsund leikhúsgesti og Benedikt vill gera jafn vel eða betur í þetta skiptið. „Móðir mín var leikstjóri hér í þrjátíu ár. Það er undir hennar væng sem ég hætti mér inn í þetta hús og ætla að reyna að feta í fótspor hennar," sagði Benedikt. „Kristján Jóhannsson hélt tónleika fyrir móður sína á Akureyri, og þetta eru mínir tónleikar fyrir mömmu," bætti hann við en ítrekaði að hann stæði þó alls ekki einn að sýningunni. „Við erum fleiri sem höldum hér tónleika," sagði hann. Áheyrnarprufur fyrir hlutverk Manuelo fara fram í æfingahúsnæði Þjóðleikhússins við Lindargötu 3 klukkan 17 í dag. Skráning fer fram hjá Dóru Hafsteinsdóttur í síma 585 1214, eða á dora@leikhusid.is.
Mest lesið Hvetur fólk til að taka sjálfu með „þessu glæsiklofi“ Lífið Myndaveisla: Ærandi pollagallastemming í Eyjum Lífið Skoðanabræður hætta göngu sinni: „Takk fyrir okkur“ Lífið Rod Stewart sýnir Ozzy taka sjálfur í himnaríki Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið Menningarperlan aftur komin í sitt gamla horf Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Sweeney sökuð um kynþáttahyggju Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira