The Bronx á Airwaves

Bandaríska hljómsveitin The Bronx hefur boðað komu sína á Iceland Airwaves-hátíðina í haust ásamt frönsku plötusnúðunum Fluokids og Brodinsky og þýsku dansboltunum Moonbotica og Patrick Chardronnet.

The Bronx kemur frá Los Angeles og var síðasta breiðskífa sveitarinnar ofarlega á árslistum rokktímarita. Spilar hún á Kerrang-kvöldi Airwaves ásamt sveitum á borð við Gavin Portland, Changer, Momentum og Brain Police. Útgáfufyrirtæki Gus Gus, Pineapple Records, ætlar jafnframt að standa fyrir sínum eigin tónleikum þar sem Moonbotica og Patrick Char­donnet verða á meðal gesta.