Dýrkeypt flóð

Flóðin í Englandi munu verða breskum tryggingafélögum dýrkeypt. Samkvæmt frétt á vef BBC mun kostnaðurinn sem fellur á þau vegna flóðanna í júní og júlí ekki verða undir tveimur milljörðum punda. Það nemur um 245 milljörðum íslenskra króna.

Í fréttinni er haft eftir talsmanni samtaka breskra tryggingafélaga að árið verði fyrir vikið að líkindum dýrasta ár í sögu breskra tryggingafélaga.

Allar línur tryggingafélaganna hafa verið rauðglóandi að undanförnu, enda hafa þúsundir heimila orðið fyrir skemmdum í Mið- og Vestur-Englandi.