Dívur á Domo

Söngkonurnar Margrét Eir, Hera Björk, Regína Ósk og Heiða Ólafsdóttir hafa komið fram saman og vakið mikla lukku áhorfenda. Nú endurtaka þær leikinn vegna mikillar eftirspurnar og vellukkaðra tónleika fyrr í vetur.

Með þeim verður píanóleikarinn Karl Olgeirsson en dívurnar munu halda tónleika bæði í Reykjavík og á Akureyri. Tónleikarnir eru á Domo, Þingholtsstræti 5, í kvöld og hefjast klukkan níu. Hinn 19. júlí halda þær seinni tónleikana á Græna hattinum á Akureyri og hefjast þeir einnig klukkan níu. Aðgangseyrir er 1.500 krónur.