Jagúar gefur út nýtt lag

Nýtt lag með hljómsveitinni Jagúar, You Want Me, er komið í spilun. Lagið verður að finna á fjórðu plötu sveitarinnar sem var tekin upp í Danmörku síðasta vetur. Er hún væntanleg í ágúst.

Fyrsta lagið af plötunni, Disko Diva, fór í spilun síðasta haust og náði miklum vinsældum. Varð það 21. mest spilaða lagið á Rás 2 á síðasta ári. Hægt er að hlusta á nýja lagið frá Jagúar á heimasíðunum www.jaguar.is og www.myspace.com/jaguariceland. Jagúar spilar næst á Jazzhátíð Egilsstaða laugardaginn 30. júní.