Hið smávægilega 16. febrúar 2007 06:00 „Næstum því ekki neitt, það er ekki ekki neitt" er yfirskrift sýningar sem opnuð verður í Nýlistasafninu á morgun í tengslum við franska menningarvorið - Pourquoi pas? Að frumkvæði sendiráðsins var ákveðið að setja upp sýningu og tengjast galleríi sem fatahönnuðurinn og framleiðandinn Agnes B eða agnes b setti af stað fyrir tveimur áratugum rúmum í Frakklandi. Í gegnum það gallerí var Serge Comte kallaður til samstarfs en hann er sýningarstjóri verkefnisins. Hann hefur búið hér á landi um langt skeið og átt á sama tíma feril sem myndlistarmaður í Frakklandi. Serge sagðist hafa viljað nota verk sem franski hugsuðurinn og myndlistarmaðurinn Robert Filliou vann hér á landi í samstarfi við Joachim Pfeufer og nemendur í Handíða- og myndlistaskólanum á sínum tíma 1978. Einn nemenda Filliou kemur að uppsetningu þess, Ingólfur Arnarsson prófessor við Listaháskólann. Serge sagði synd að í geymslum Nýlistasafnsins væri margt skemmtilegt og væri raunar yfirskrift sýningarinnar sótt í grunnhugmyndina að verki Filliou og félaga: Poipoidrome. Ætlun sýningarinnar er að afhjúpa svo ekki verður um villst hversu lifandi og öflug hin stöðuga sköpun, sem franska kenningasmiðnum Filliou var svo kær, er, en hann er einn höfuðmeistari Fluxus-hreyfingarinnar. Kenningar þessa hóps hafa haft gríðarleg áhrif á íslenska myndlist: frá Dieter Roth í gegnum Magnús Pálsson, á Súmmara og slektið kringum Suðurgötu 7 og allt til okkar daga. Kringum verkið munu tólf þekktir franskir myndlistarmenn bregða á leik og koma þannig hugmyndinni um „République Géniale" („Snilldarlega lýðveldið") enn lengra: Serge sagði þau upptekin af hugsuninni um hið smálega og hljóða, samtíninginn og endurnotun, það sem maður hirðir og notar. Það er stór hópur sem kemur að sýningunni: sum verkin verða unnin beint á veggina á Laugaveginum, tvö videóverk í stöðugri sýningu, búið verður borð með verkum og gólfin standa myndlistarmönnum til reiðu. Allt á að vera handhægt. Samsýning af þessu tagi er í bland sett saman á staðnum, spunnin úr fáanlegum efnum og í tengslum við rýmið. Sýningin snýst ekki um að fylla rýmið af verkum, heldur að horfast í augu við listsköpunina, í sinni nöktustu mynd, og brosa til hennar, eða ekki. „Að gera næstum því ekki neitt, það er það sem listamennirnir gera," hefði Filliou getað sagt. - pbb Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið „Blessaður, þú ert með heilaæxli“ Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Sagan þegar Villi Vill ákvað að lagið Söknuður yrði í eigin jarðarför Lífið Segir Gleðigönguna ekki vera fyrir sig en styður baráttuna Lífið Taumlaus gleði og stjörnum prýddir tónleikar Lífið Leikur Elsu Lund í fatla eftir vondan skell Lífið Fleiri fréttir Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
„Næstum því ekki neitt, það er ekki ekki neitt" er yfirskrift sýningar sem opnuð verður í Nýlistasafninu á morgun í tengslum við franska menningarvorið - Pourquoi pas? Að frumkvæði sendiráðsins var ákveðið að setja upp sýningu og tengjast galleríi sem fatahönnuðurinn og framleiðandinn Agnes B eða agnes b setti af stað fyrir tveimur áratugum rúmum í Frakklandi. Í gegnum það gallerí var Serge Comte kallaður til samstarfs en hann er sýningarstjóri verkefnisins. Hann hefur búið hér á landi um langt skeið og átt á sama tíma feril sem myndlistarmaður í Frakklandi. Serge sagðist hafa viljað nota verk sem franski hugsuðurinn og myndlistarmaðurinn Robert Filliou vann hér á landi í samstarfi við Joachim Pfeufer og nemendur í Handíða- og myndlistaskólanum á sínum tíma 1978. Einn nemenda Filliou kemur að uppsetningu þess, Ingólfur Arnarsson prófessor við Listaháskólann. Serge sagði synd að í geymslum Nýlistasafnsins væri margt skemmtilegt og væri raunar yfirskrift sýningarinnar sótt í grunnhugmyndina að verki Filliou og félaga: Poipoidrome. Ætlun sýningarinnar er að afhjúpa svo ekki verður um villst hversu lifandi og öflug hin stöðuga sköpun, sem franska kenningasmiðnum Filliou var svo kær, er, en hann er einn höfuðmeistari Fluxus-hreyfingarinnar. Kenningar þessa hóps hafa haft gríðarleg áhrif á íslenska myndlist: frá Dieter Roth í gegnum Magnús Pálsson, á Súmmara og slektið kringum Suðurgötu 7 og allt til okkar daga. Kringum verkið munu tólf þekktir franskir myndlistarmenn bregða á leik og koma þannig hugmyndinni um „République Géniale" („Snilldarlega lýðveldið") enn lengra: Serge sagði þau upptekin af hugsuninni um hið smálega og hljóða, samtíninginn og endurnotun, það sem maður hirðir og notar. Það er stór hópur sem kemur að sýningunni: sum verkin verða unnin beint á veggina á Laugaveginum, tvö videóverk í stöðugri sýningu, búið verður borð með verkum og gólfin standa myndlistarmönnum til reiðu. Allt á að vera handhægt. Samsýning af þessu tagi er í bland sett saman á staðnum, spunnin úr fáanlegum efnum og í tengslum við rýmið. Sýningin snýst ekki um að fylla rýmið af verkum, heldur að horfast í augu við listsköpunina, í sinni nöktustu mynd, og brosa til hennar, eða ekki. „Að gera næstum því ekki neitt, það er það sem listamennirnir gera," hefði Filliou getað sagt. - pbb
Mest lesið Berbrjósta og bleikhærðar með byltingu Lífið Skiptir stærðin raunverulega máli? Lífið „Blessaður, þú ert með heilaæxli“ Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Sagan þegar Villi Vill ákvað að lagið Söknuður yrði í eigin jarðarför Lífið Segir Gleðigönguna ekki vera fyrir sig en styður baráttuna Lífið Taumlaus gleði og stjörnum prýddir tónleikar Lífið Leikur Elsu Lund í fatla eftir vondan skell Lífið Fleiri fréttir Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira