Kínverjinn farinn af landi brott

Kínverjinn, sem veitti sjálfum sér áverka í vinnubúðum á Kárahnjúkum 20. ágúst síðastliðinn, er farinn úr landi og hefur látið af störfum. Oddur Friðriksson, yfirtrúnaðarmaður verkalýðsfélaga á Kárahnjúkum, segir að maðurinn hafi farið af landi brott stuttu eftir að hann losnaði af sjúkrahúsi. Hann snéri ekki aftur til vinnubúðanna að Kárahnjúkum. Lára Huld Guðjónsdóttir, staðgengill sýslumanns á Seyðisfirði, segir að rannsókn málsins sé ekki að fullu lokið. Hún segir að málið verði sent ríkissaksóknara þegar rannsókninni lýkur og hann muni taka ákvörðun um það.