Atvinnuleysi minnkar í Japan

Atvinnuleysi dróst saman um 0,1 prósentustig í Japan í júlí. Það mælist nú 4,1 prósent og spá greiningaraðilar áframhaldandi efnahagsbata í landinu. Atvinnuleysi í Japan hefur minnkað jafnt og þétt 15 mánuði í röð.

Þrátt fyrir minna atvinnuleysi í Japan dró úr neyslu í sama mánuði en það er sjöundi mánuðurinn í röð sem það gerist. Ástæðan fyrir því er sögð vera svalt veður og rigningar.

Takuji Aida, aðalhagfræðingur Barclays Capital í Tókýó í Japan segir samdrátt í neyslu koma á óvart því laun hafi á sama tíma hækkað og því hefði mátt gera ráð fyrir aukinni neyslu á tímabilinu.