Starfsmannaleigan 2b ehf. hefur verið dæmd til að greiða tólf Pólverjum sem komu til starfa á Kárahnjúkum haustið 2005 vangreidd laun og flugfarseðil til Póllands. Þá kveður dómurinn upp úr með að starfsmannaleigunni hafi verið óheimilt að draga frá útlagðan kostnað.
Dómarnir voru kveðnir upp í Héraðsdómi Austurlands í gær. Í dómunum kemur fram að starfsmannaleigan 2b skuli greiða um og yfir 250-300 þúsund krónur á mann ásamt dráttarvöxtum. Þá er starfsmannaleigan dæmd til að greiða málskostnað.
