Þorgerður Katrín Gunnarsdóttir menntamálaráðherra segir mikilvægt að einhver mælistika verði lögð á árangur grunnskólanema; það sé vilji foreldra og eins leggi Efnahags-og framfarastofnun Evrópu (OECD) áherslu á það. Hún segir hins vegar að samræmd próf eins og nú eru viðhöfð séu ekki endilega rétta leiðin og kveðst reiðubúin að ræða aðra möguleika.
Björgvin G. Sigurðsson Samfylkingunni hefur lagt fram frumvarp um að samræmd lokapróf grunnskólanema verði aflögð.
