Sektaður fyrir að aka of hægt

Ökumaður á Vesturlandsvegi var stöðvaður í gær fyrir að aka of hægt. Ökumaður ók bifreið með hjólhýsi í eftirdragi og ók hann töluvert undir fimmtíu kílómetra hraða, þar sem leyfilegur hámarkshraði er níutíu kílómetrar á klukkustund.

Um tuttugu til þrjátíu bíla röð safnaðist saman fyrir aftan ökumanninn og skapaðist hættuástand við það að sögn lögreglu vegna framúraksturs. Ökumaðurinn má eiga von á tíu þúsund króna sekt vegna aksturslagsins. Leyfilegur hámarkshraði með hjólhýsi er áttatíu kílómetrar þar sem leyfilegt er að aka á níutíu.