Samfés útilokar engan

Vegna fréttar um ólögmæta notkun lista um mætingar sem birtist í Fréttablaðinu í gær skal tekið fram að Samfés er ekki beinn aðili að umræddu máli.

Í yfirlýsingu frá Samfés kemur fram að Samféshátíðin sé vinsæl meðal unglinga og því sé miðafjöldi takmarkaður. Samfés úthlutar miðum til félagsmiðstöðva en þeim er síðan úthlutað til nemenda án afskipta Samfés. Í starfsemi félagsmiðstöðva er lögð áhersla á að ná til þeirra sem ekki finna sig í skólakerfinu og því samræmast útilokanir úr starfi félagsmiðstöðva ekki þeirri hugmyndafræði sem þær vinna eftir.