Hagnaður Google tvöfaldast

Hagnaður netleitarfyrirtækisins Google á öðrum ársfjórðungi nam 721 milljóna bandaríkjadala, 53 milljörðum íslenskra króna, en það er rúm tvöföldun á milli ára og langt umfram væntingar fjármálaspekúlanta.

Að sögn stjórnenda Google byggði þessi góða afkoma fyrst og fremst á nýjum vörum og aukinni þjónustu fyrirtækisins.

Google hefur 44 prósenta markaðshlutdeild á bandaríska netmarkaðnum og fær 40 prósent af tekjum sínum frá starfsemi sinni utan Bandaríkjanna.

Gengi hlutabréfa í Google hækkaði um 1,5 prósent á mörkuðum í Bandaríkjunum í gær vegna fréttanna.