Tapar nánast á að taka strætó

Ég hef tekið strætó frá fimm ára aldri, segir Arnmundur Ernst Björnsson, nemi og leikari. Þá man ég bara eftir að maður borgaði 25 krónur í hann. Þetta var ekkert flókið, þetta var bara æðislegt kerfi. Síðan hefur strætó bara farið á verri veg í gegnum árin. Þetta er farið að kosta offjár nema ef þú kaupir þér einhver sérstök kort og þá ertu orðinn bundinn strætó. Þú ert nánast farinn að tapa á því að taka hann. Síðan eru þeir búnir að loka alveg frábærri leið. Ég tók sjálfur S5 leiðina margoft til að slaka á og fara til vina minna beinustu leið upp í Árbæinn og síðan taka þeir hana og ég veit ekki alveg hvert þetta kerfi er að fara. Þetta er alveg hryllilegt.

Arnmundur sér fram á að þurfa að breyta venjum sínum. Mér fannst frábært þetta 10 mínútna kerfi á álagstímunum. Þá þurfti maður ekkert að hafa áhyggjur af því hvenær maður lagði af stað í skólann heldur tók bara næsta strætó. Nú á að hætta með það þannig að kannski þarf maður bara að fara að skipuleggja ferðir á bíl með vinum sínum.